الأربعاء 26 كانون ثاني 2022
نعوة أحد المشرفين: العبارة هي: توفى الله تعالى أحد الأساتذة المشرفين على قسم الأسئلة الشرعية نرجو منكم أن تدعو له، وأن تهبوه ثواب قراءة ما تيسر من القرآن الكريم، وغير ذلك من الأعمال الصالحة.

السؤال رقم (10738)

الأحد 17 ربيع الأول 1437 / 27 كانون أول 2015

ماذا أفعل بالمال الذي حصلت عليه بسبب خطأ صاحبه؟


السلام عليكم دكتور ورحمة الله وبركاته كنت بس حابب اسئلك عن شغلة صارت معي انا حاليا باسطنبول وباسطنبول المواصلات عن طريق بطاقة الباص بتتعبا مصاري وبتقطع بالباص نفس مبدأ باصات الشام تبع الكرت الي بيقطع من الطرفين بس هون البطاقة الكترونية وبتتعبا مصاري. وبيوم من الأيام طلعت بالباص وكان عجقة فعطيت بطاقتي للعالم الي قدامي ليقطعولي فقطعو ولما رجعوها كان في وحدة كمان عطتون بطاقتها فرجعو البطاقتين والتنتين نفس الشكل فأنا عطيت هي المخلوقة اخر وصل عبيت فيه بطاقتي لتقارن هي بين البطاقتين قلت انو هي أعلم مني كوني انا أجنبي فقارنت هي وعطتني بطاقة واخدت بطاقة وكنت رايح على شغلي لما رجعت من الشغل وقطعت بالباص اكتشفت انها خربطت والمشكلة انو بطاقتها فيها زيادة عن بطاقتي بشي 25 لبرة تركية . هلئ انا حاولت صير دور عليها كرمال قلها بس شفتا مرتين اول مرة كانت هلئ بدها تنزل وتاني مرة قبل ما تنزل بشوي وبصراحة ما رحت قلتلها لأنو اتلبكت لأني مابعرف أحكي تركي متل العالم وأنا حاليا تركت الشغل فما عاد اصدفها بنفس الباص . وأنا صراحة حاسس أنو هال 25 الزيادة مو من حقي على الرغم انو الخطأ خطأها لأنو انا عطيتها البطاقتين وهي الي قارنت وأنا اتمنيت انو يكون فيها البطاقة نقصان بدل الزيادة كنت سامحتها للمخلوقة وريحت راسي. فأنا شو لازم أعمل هلئ هل اذا اتصدقت بهاد المبلغ بيمشي الحال ولا لازم حاول اطلع بنفس الباص بنفس الوقت وقلها انو انتي خربطتي مع العلم انو هالشي حيكون في مشقة شوي من ناحية انو يتكرر الموقف وانو تتذكرني والأهم انو اشرحلها القصة بالتركي وجزاكم الله كل خير ^_^

الجواب

بسم الله والحمد لله والصلاة والسلام على رسول الله وبعد:

أهلاً بك أخي في موقعك، ونسأل الله تعالى أن يُجريَ لك فيه الخير وللمسلمين..

يمكنك بعد عجزك عن إيجاد صاحبها أن تتبرع وتتصدق بالمبلغ الزائد في أحد وجوه الخير على نية صاحبه.

والله تعالى أعلم