الاثنين 18 حزيران 2018
نعوة أحد المشرفين: العبارة هي: توفى الله تعالى أحد الأساتذة المشرفين على قسم الأسئلة الشرعية نرجو منكم أن تدعو له، وأن تهبوه ثواب قراءة ما تيسر من القرآن الكريم، وغير ذلك من الأعمال الصالحة.

السؤال رقم (11713)

الأحد 19 جمادى الأولى 1439 / 04 شباط 2018

هل ظلمته بالطلاق؟


السلام عليكم ورحمة الله وبركاته بشكر حضرتك على تعب ومجهودك معانا فى الإجابة على أسئلتنا. أنا تزوجت ومن أول يوم زواج اكتشفت ان زوجى ليس عنده القدرة على الجماع وظليت آنسة لمدة شهر وكان رافض يذهب لدكتور ويتجاهل الموضوع ودايما بينا مشاكل كأنه بيصطنع الخناقات والمشاكل وبدأنا نذهب للشيوخ وقالوا عندكم سحر ربط وتفريق وبصعوبة شديدة تمت الدخلة بعد قراءة الشيوخ عليه وبعد كدا رفض يكمل علاج بالرقية وكان بيأهمل ومش عايز يلتزم بالرقية ومش عايز ياخد العسل ومش مقتنع بالكلام دا ولا عايز يذهب لطبيب حتى ليحل مشكلته واستمريت معاه على هذا الحال 9 شهور فى نكد ومشاكل واهمال وجفاء وفجأة جاله فرصة للسفر للعمل بالخارج فى دولة الامارات وأنا رفضت هذا السفر وقولتله اتعالج الاول ونظبط حياتنا ونحل مشاكلنا وبعدين فكر فى السفر وهو كان مصمم كأنه عايز يهرب من المشكلة الرئيسية بالسفر واتصل بخالى واشتكى منى انى رافضة فكرة السفر وعملوا قعدة رجالة وسألونى عن سبب رفضى فحكيتلهم الوضع اللى انا فيه وانه تعبان وغير قادر عالجماع ورافض يروح للدكتور وكمان مش بيلتزم بأى برنامج علاجى مع الشيوخ وانا عايزاه يتعالج الاول وبعدين يسافر عالاقل أحمل وبعدين يسافر راح أهلى قالوله هى عندها حق مينفعش تسيبها معلقة وتسافر وطلبوا منه انه يتعالج ويعرض نفسه على دكتور او يكمل علاج بالرقية لو هو مسحور وهو رفض وصمم على رأيه فى انه يسافر وانا طلبت الطلاق وأخدت قايمتى كاملة وشبكتى ونفقة واتنازلت عن عشرين ألف جنية من المؤخر فى مقابل انى اعرف آخد قايمتى ويطلقنى قبل مايسافر وبالفعل تم الطلاق السؤال بقى يا دكتور محمد هل أنا كدا غلطت ولا ظلمته ؟ هل أخطأت انى رفضت اسافر معاه بمعنى هو فى الشرع مش من حقى اعترض على سفر زوجى ؟هل ربنا هيحاسبنى على انى حكيت مشكلته قدام أهلى وقولت انه معندوش قدرة عالجماع مع العلم ان هو اللى اتصل بخالى وزوج خالتى وبيشتكى انى رافضة السفر وكان لازم اوضح سبب رفضى ؟ هل أنا كدا ظلمته فى حقوقى اللى أخدتها لان أهله كانوا عايزينى آخد الحاجة اللى أهلى جهزونى بها فقط ومش عايزينى آخد العفش لكن القعدة حكمت بأن قائمة المنقولات كلها من حقى ؟توضيح لما الشيوخ قالوا اننا عندنا سحر تفريق وربط كنت بلتزم باى برامج علاجية وبالرقية وبقراءة سورة البقرة ومفيش اى تقصير من ناحيتى لكن هو رافض يلتزم وبيعاند وبيتجاهل الموضوع أرجو الإفادة يا دكتور هل أنا عليا اى ذنب فى الموضوع دا ولا حضرتك شايف انى كان من حقى اطلب الطلاق

الجواب

أعد الإجابة الأستاذ أحمد رباح
راجعها الدكتور محمد خير الشعال

 
بسم الله والحمد لله والصلاة والسلام على رسول الله، وبعد:

أهلاً ومرحباً بكم أختنا في موقعكم، ونسأل الله تعالى أن يقسم لكم فيه الخير وللمسلمين.

أختنا الكريمة:

أحد أهم أهداف الزواج ودوافعه هو العفاف والإحصان، وحصول الذرية الصالحة، وإرواء دافع الأبوة والأمومة، وهذا دافع محترم لدى الرجل والمرأة، ومن حقكم أن تطلبوا الزواج لأجله، وأن تسعوا في إنهاء الزواج لفواته.

لما أن الرجل لم يتعاون مع المقترح العلاجي، وطلب السفر دون معالجة المشكلة، وما وقع من الطلاق وتحديد الحقوق كان بتراضي الأطراف واقتراح عقلاء الأسرة، فدعكم من الوسوسة في الأمر، وكثرة التفكير فيه، واسألوا الله من فضله أن يعوضكم خيراً.

والله تعالى أعلم.